കണ്ണൂർ: പാനൂരില്‍ വിഷ്‌ണുപ്രിയ എന്ന യുവതിയെ കഴുത്തറുത്ത് കൊന്ന സംഭവത്തില്‍ പ്രതി ഉപയോഗിച്ച ആയുധങ്ങള്‍ കണ്ടെടുത്തു. ഇന്ന് രാവിലെ മാനന്തേരിയിൽ എത്തിച്ച് നടത്തിയ തെളിവെടുപ്പിൽ ആണ് പ്രതി ഉപയോഗിച്ച ആയുധങ്ങളും മറ്റു വസ്‌തുക്കളും കണ്ടെത്തിയത്. വീടിനടുത്തുള്ള കുഴിയിൽ ഉപേക്ഷിച്ച ബാഗിൽ നിന്ന് മാസ്‌ക്, ഷൂ, ഷർട്ട്, കൈയുറ, വെള്ളക്കുപ്പി, സോക്‌സ്, മുളകുപൊടി, ഇടിക്കട്ട, ഇരുമ്പു കമ്പി, ചുറ്റിക, കത്തി എന്നിവയാണ് പൊലീസ് കണ്ടെത്തിയത്.
കൊലക്കുപയോഗിച്ച ആയുധങ്ങള്‍ കണ്ടെടുത്തു
കൂടാതെ പ്രതി സഞ്ചരിച്ച ബൈക്കും കണ്ടെടുത്തു. വിഷ്‌ണുപ്രിയയുടെ കഴുത്തറുക്കാൻ പ്രതി ശ്യാംജിത്ത് ഉപയോഗിച്ച കത്തി സ്വന്തമായി നിര്‍മിച്ചതാണെന്ന് ഇയാള്‍ പൊലീസിനോട് സമ്മതിച്ചതായാണ് വിവരം. വിഷ്‌ണുപ്രിയയെ അടിക്കാന്‍ ഉപയോഗിച്ച ചുറ്റികയും കുത്താന്‍ ഉപയോഗിച്ച ഇരുമ്പു കമ്പിയും കടയിൽ നിന്ന് വാങ്ങിയതാണ്.