വടകരയിൽ ജയിച്ചാൽ വട്ടിയൂർക്കാവിലും വിജയമുറപ്പ്; കെ മുരളീധരൻ

വടകരയിൽ കോലീബി സഖ്യമുണ്ടെന്നത് തുരുമ്പിച്ച ആരോപണം. നടക്കുക ത്രികോണ മത്സരമെന്നും മുരളീധരന്‍.

വടകരയിൽ ജയിച്ചാൽ കോൺഗ്രസിനെ വട്ടിയൂർക്കാവിലും ജനങ്ങൾ വിജയിപ്പിക്കുമെന്ന് കെ മുരളീധരൻ. യുഡിഎഫിന് വടകരയിൽ ജയിക്കാൻ സംഘപരിവാർ പിന്തുണയുടെ ആവശ്യമില്ല. വടകരയിൽ കോലീബി സഖ്യമുണ്ടെന്നത് തുരുമ്പിച്ച ആരോപണമാണ്. മണ്ഡലത്തില്‍ ത്രികോണ മത്സരമായിരിക്കും നടക്കുകയെന്നും മുരളീധരൻ പറഞ്ഞു. വടകരയിലേക്കുള്ള യാത്രക്കിടെ തൃശ്ശൂരിലെ കരുണാകരൻ സ്മാരകത്തിൽ സന്ദർശനം നടത്തിയ ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.