കണ്ണൂർ: കേരളത്തിൽ ആദ്യത്തെ ഇടതുപക്ഷ തുടർഭരണം ഉണ്ടാകുമെന്ന് സിപിഎം സംസ്ഥാന സെക്രട്ടറി എ വിജയരാഘവൻ. വടക്കൻ മേഖല 'വികസന മുന്നേറ്റ യാത്ര'ക്ക് തളിപ്പറമ്പിൽ നൽകിയ സ്വീകരണ പരിപാടിയിൽ സംസാരിക്കുകയായിരുന്നു അദ്ദേഹം. നരേന്ദ്ര മോദിയുടെ രാവിലെയുള്ള യോഗ കഴിഞ്ഞാൽ പെട്രോളിന്‍റെ വിലവർധിപ്പിക്കും എന്നതൊരു വസ്തുതയായി മാറിയെന്ന് വിജയരാഘവൻ പരിഹസിച്ചു. ഇ.എം.എസ് മുതൽ ഇങ്ങോട്ട് കേരളത്തിൽ തുടർഭരണം ഉണ്ടായിട്ടില്ല. കേരളത്തിലെ ആദ്യത്തെ ഇടതുപക്ഷ തുടർഭരണമാണ് സംഭവിക്കാൻ പോകുന്നതെന്നും വിജയരാഘവൻ പറഞ്ഞു. ഇതിന് തുരങ്കം വെയ്ക്കാൻ ശ്രമങ്ങൾ ഉണ്ടാകുമെന്നും അതിൽ ഇടതുപക്ഷ പ്രവർത്തകർ വീണു പോകരുതെന്നും വിജയരാഘവൻ പറഞ്ഞു.
കേരളത്തിൽ ആദ്യത്തെ ഇടതുപക്ഷ തുടർഭരണം ഇത്തവണ സംഭവിക്കുമെന്ന് എ വിജയരാഘവൻ