കണ്ണൂർ: ഖുര്‍ആന്‍ പഠിക്കാനെത്തിയ കുട്ടിയെ പ്രകൃതിവിരുദ്ധ ലൈംഗിക പീഡനത്തിന് വിധേയനാക്കിയെന്ന പരാതിയിൽ പൊലീസ് കേസെടുത്തു. തളിപ്പറമ്പ് നഗരസഭാ പരിധിയിലെ 11 വയസുകാരന്‍റെ പരാതിയിലാണ് തളിപ്പറമ്പ് പൊലീസ് കേസെടുത്തത്. ഇരയായ കുട്ടി നേരിട്ടാണ് തളിപ്പറമ്പ് പൊലീസിൽ പരാതി നൽകിയത്.
പാപിനോശേരി സ്വദേശി മുനീസ് (22) നെതിരെയാണ് തളിപ്പറമ്പ് പൊലീസ് കേസെടുത്തത്. പാപ്പിനിശേരിയിലുള്ള ബന്ധു വീട്ടില്‍ താമസിക്കുന്ന കുട്ടിയെ ഈ മാസം നാലിന് രാത്രി കിടപ്പുമുറിയില്‍ വെച്ച് പീഡിപ്പിച്ചതായാണ് പരാതി. ഖുര്‍ആന്‍ പഠിക്കാനായി ബന്ധു വീട്ടിൽ നിന്നും തിരിച്ചു വീട്ടിൽ എത്തിയ കുട്ടിയുടെ പെരുമാറ്റത്തിൽ മാറ്റം വന്നതാണ് സംശയം ഉണ്ടാക്കിയത്. 164 പ്രകാരം കുട്ടിയുടെ മൊഴി രേഖപ്പെടുത്തി.