സ്‌കൂളിൽ നിന്നും 26 ലാപ്ടോപ്പുകൾ മോഷണം പോയ കേസിൽ രണ്ട് പേർ അറസ്റ്റിൽ

പാലക്കൽ ദീപു, കുന്നുംപുറത്ത് ഹൗസിൽ മനോജ് എന്നിവരെയാണ് പൊലീസ് പിടികൂടിയത്.

കണ്ണൂർ: ഇരിട്ടി ഹയർ സെക്കൻഡറി സ്‌കൂളിൽ നിന്നും 26 ലാപ്ടോപ്പുകൾ മോഷണം പോയ കേസിൽ രണ്ട് പേർ അറസ്റ്റിൽ. പാലക്കൽ ദീപു, കുന്നുംപുറത്ത് ഹൗസിൽ മനോജ് എന്നിവരെയാണ് പൊലീസ് പിടികൂടിയത്.

മോഷണം പോയവയിൽ 24 ലാപ്ടോപ്പുകളും ചാർജറുകളും കണ്ടെടുത്തു. ഈ മാസം എട്ടാം തീയതിയാണ് എട്ട് ലക്ഷം രൂപ വിലവരുന്ന 26 ലാപ്ടോപ്പുകൾ മോഷണം പോയത്. പ്രതിയായ ദീപു കഴിഞ്ഞ വർഷവും ഇതേ സ്കൂളിൽ നിന്ന് രണ്ട് ലാപ് ടോപ്പുകൾ മോഷ്‌ടിച്ചതിന് പിടിയിലായിരുന്നു.