കണ്ണൂര്‍: കേരളത്തിലെ നിരവധി കവര്‍ച്ച കേസുകളിൽ പ്രതികളായ രണ്ട് പേരെ പയ്യന്നൂർ പൊലീസ് പിടികൂടി. തിരുവല്ല ആഞ്ഞിലത്താനം സ്വദേശി സന്തോഷ് കുമാറെന്ന ഹസ്സനെയും, ചെങ്ങന്നൂര്‍ തൃപ്പനംതറ സ്വദേശി തീപ്പൊരി പ്രസാദെന്ന പ്രസാദിനെയുമാണ് പയ്യന്നൂര്‍ എസ് ഐ ശ്രീജിത്ത് കൊടേരിയും സംഘവും പിടികൂടിയത്. ബീവറേജ് കോര്‍പ്പറേഷന്‍റെ ഔട്ട്ലെറ്റില്‍ നിന്നും മദ്യം വാങ്ങിക്കാനായി എത്തിയപ്പോഴാണ് ഹസ്സന്‍ പിടിയിലായത്. ഔട്ട്ലെറ്റിലുണ്ടായിരുന്നവർക്ക് സംശയം തോന്നിയതിനെ തുടർന്ന് പൊലീസില്‍ വിവരം അറിയിക്കുകയായിരുന്നു.
കേരളത്തിലെ നിരവധി കവര്‍ച്ച കേസുകളിലെ പ്രതികള്‍ പൊലീസ് പിടിയില്‍