തലശ്ശേരിയിൽ ടാങ്കർ ലോറി മറിഞ്ഞു; വാതകചോര്‍ച്ചയില്ല

മംഗലാപുരത്ത് നിന്നും കൊച്ചിയിലേക്ക് പോവുകയായിരുന്ന ലോറിയാണ് മറിഞ്ഞത്.

കണ്ണൂർ: തലശ്ശേരിയിൽ ടാങ്കർ ലോറി മറിഞ്ഞു. ആളപായം റിപ്പോര്‍ട്ട് ചെയ്‌തിട്ടില്ല. മംഗലാപുരത്ത് നിന്നും കൊച്ചിയിലേക്ക് പോവുകയായിരുന്ന ലോറി കോടതിക്ക് സമീപമെത്തിയപ്പോഴാണ് അപകടത്തില്‍പെട്ടത്. വാതക ചോര്‍ച്ചയുണ്ടായിട്ടില്ല. ഐഒസി അധികൃതർ എത്തി ഇന്ധനം മാറ്റുന്ന നടപടികൾ ആരംഭിക്കും. അപകടത്തെ തുടർന്ന് വാഹനങ്ങൾ വഴി തിരിച്ച് വിടുകയാണ്.