കണ്ണൂര്‍: സംസ്ഥാന സ്‌കൂള്‍ കായികമേളയിലെ ആദ്യ ദിനം തന്നെ മീറ്റ് റെക്കോഡ് പിറന്നു. സീനിയര്‍ പെണ്‍കുട്ടികളുടെ ലോങ്ജംപിലാണ് തൃശൂര്‍ നാട്ടിക ഫിഷറീസ് സ്‌കൂളിലെ ആന്‍സി സോജന്‍ മീറ്റ് റെക്കോഡോടെ സ്വര്‍ണം നേടിയത്. 6.24 മീറ്റര്‍ ദൂരം ചാടിയ ആന്‍സി ദേശീയ റെക്കോഡിനെക്കാള്‍ മികച്ചദൂരം കണ്ടെത്തി. രണ്ടാംസ്ഥാനം നേടിയ പ്രഭാവതിയും 6.05 മീറ്റർ ചാടി ദേശീയ റെക്കോര്‍ഡിനൊപ്പം എത്തി. മേളയിലെ ആദ്യ സ്വർണ്ണം നിലവിലെ ചാമ്പ്യന്മാരായ എറണാകുളത്തിനായിരുന്നു. സീനിയർ ആൺകുട്ടികളുടെ 3000 മീറ്ററിൽ മാർ ബേസിലിലെ എൻ.വി അമിത്ത് ഒന്നാമതെത്തി. സീനിയർ ഗേൾസിന്‍റെ 3000 മീറ്ററിൽ പാലക്കാടിന്‍റെ സി.ചൈതന്യ സ്വർണ്ണം നേടി. ജൂനിയർ ഗേൾസിന്‍റെ 3000 മീറ്ററിൽ കോഴിക്കോടിന്‍റെ സനിക ഒന്നാമതെത്തി.
സംസ്ഥാന സ്‌കൂള്‍ കായിക മേളയുടെ ആദ്യ ദിനത്തില്‍ മീറ്റ് റെക്കോര്‍ഡുമായി ആൻസി സോജൻ