ഓൺലൈൻ പഠനത്തിന് വിരാമം; വിദ്യാർഥികൾ വീണ്ടും സ്‌കൂളിലേയ്ക്ക്

കൊവിഡ് മാനദണ്ഡങ്ങൾ‌ പാലിച്ചാണ് ക്ലാസ് മുറികൾ സജ്ജമാക്കിയത്. എസ്.എസ്.എൽ.സി, പ്ലസ് ടു വിദ്യാർഥികൾക്കാണ് ക്ലാസ് ആരംഭിച്ചത്.

കണ്ണൂർ:ഓൺലൈൻ പഠനത്തിന് വിരാമമിട്ട് വിദ്യാർഥികൾ വീണ്ടും സ്‌കൂളിലെത്തി. കൊവിഡ് സാഹചര്യത്തിൽ സാമൂഹിക അകലം പാലിക്കുന്നതടക്കമുള്ള മാനദണ്ഡങ്ങൾ‌ പാലിച്ചാണ് ക്ലാസ് മുറികൾ സജ്ജമാക്കിയത്. എസ്.എസ്.എൽ.സി, പ്ലസ് ടു വിദ്യാർഥികൾക്കാണ് ക്ലാസ് ആരംഭിച്ചത്.

കൂടുതൽ പേരും രക്ഷിതാക്കൾക്കൊപ്പമാണ് എത്തിയത്. ഒരു ബഞ്ചിൽ ഒരാൾ എന്ന രീതിയിലാണ് ക്ലാസ് മുറി ക്രമീകരിച്ചിരിക്കുന്നത്. ഓടിച്ചാടി കൂട്ടംകൂടി ബഹളം വെക്കുന്ന കുട്ടികൾ മാസ്‌ക് ധരിച്ച് സാനിറ്റൈസറുമായി വീണ്ടും ബഞ്ചുകളിലിരിക്കുന്ന അസാധാരണ കാഴചയാണ് ഇന്ന് സംസ്ഥാനത്തെ സ്‌കൂളുകൾക്കുള്ളത്.