കണ്ണൂര്‍: ആന്തൂരില്‍ കെട്ടിടത്തിന് അനുമതി കിട്ടത്തതിനെ തുര്‍ന്ന് പ്രവാസിയായ സാജന്‍ ആത്മഹത്യ ചെയ്‌ത സംഭവത്തില്‍ നഗരസഭ ചെയര്‍പേഴ്‌സണെ സംരക്ഷിക്കാനാണ് സിപിഎം ശ്രമിക്കുന്നതെന്ന് പ്രതിപക്ഷ നേതാവ് രമേശ് ചെന്നിത്തല. പി കെ ശ്യാമളക്കെതിരെ പ്രേരണ കുറ്റത്തിന് കേസെടുക്കണമെന്നും അവരെ സംരക്ഷിക്കുന്ന നടപടി അംഗീകരിക്കില്ലെന്നും അദ്ദേഹം പറഞ്ഞു. ഇപ്പോള്‍ നടക്കുന്ന അന്വേഷണത്തില്‍ തൃപ്‌തിയില്ലെന്ന് കാട്ടി മുഖ്യമന്ത്രിക്ക് കത്ത് അയച്ചിരുന്നു. കേസില്‍ ഐജി തല അന്വേഷണം വേണമെന്ന് കത്തില്‍ ആവശ്യപ്പെട്ടിരുന്നതായും ചെന്നിത്തല വ്യക്തമാക്കി.
പ്രവാസി വ്യവസായിയുടെ ആത്മഹത്യ; നഗരസഭ അധ്യക്ഷക്കെതിരെ കേസെടുക്കണമെന്ന് ചെന്നിത്തല