കണ്ണൂർ: പുല്ലൂപ്പികടവിൽ വള്ളം മറിഞ്ഞു കാണാതായ മൂന്നാമത്തെ ആളുടെ മൃതദേഹവും കണ്ടെത്തി. ഇതോടെ കഴിഞ്ഞ ദിവസമുണ്ടായ തോണി അപകടത്തിൽ മരിച്ചവരുടെ എണ്ണം മൂന്നായി. കല്ലുകെട്ടുചിറ സ്വദേശി കെ.പി സഹദിന്‍റെ മൃതദേഹമാണ് ഇന്ന്(27.09.2022) കണ്ടെത്തിയത്.
കണ്ണൂര്‍ പുല്ലുപ്പികടവിലെ തോണി അപകടം; കാണാതായ മൂന്നാമത്തെ ആളുടെ മൃതദേഹവും കണ്ടെത്തി
കണ്ണൂര്‍ പുല്ലൂപ്പിയിൽ വള്ളം മറിഞ്ഞു കാണാതായ മൂന്നാമത്തെ ആളുടെ മൃതദേഹവും കണ്ടെത്തി
കണ്ണൂര്‍ പുല്ലുപ്പികടവിലെ തോണി അപകടം; കാണാതായ മൂന്നാമത്തെ ആളുടെ മൃതദേഹവും കണ്ടെത്തി
പൊലീസും ഫയര്‍ഫോഴ്‌സും നാട്ടുകാരും ചേര്‍ന്ന് നടത്തിയ തെരച്ചിലിലാണ് സഹദിന്‍റെ മൃതദേഹം കണ്ടെടുത്തത്. അത്താഴക്കുന്ന് സ്വദേശികളായ അശ്രഫിന്‍റെ മകന്‍ റമീസ്, ഷമീറിന്‍റെ മകന്‍ അഷ്‌കര്‍ എന്നിവരുടെ മൃതദേഹം നേരത്തെ കണ്ടെടുത്തിരുന്നു. ഈ മാസം(സെപ്‌റ്റംബര്‍) 25ന് രാത്രിയിലായിരുന്നു അപകടം.
ഒരു മൃതദേഹം കണ്ടെത്തിയതിനെത്തുടര്‍ന്ന് നാട്ടുകാര്‍ പൊലീസിനെയും ഫയര്‍ഫോഴ്‌സിനെയും വിവരമറിയിക്കുകയായിരുന്നു. പുഴയില്‍ മീന്‍പിടിക്കാന്‍ പോയവരാണ് മൃതദേഹങ്ങൾ കണ്ടത്.