കണ്ണൂർ:ഉത്തരമലബാറിന്‍റെ വിനോദ സഞ്ചാര രംഗത്ത് അടയാളപ്പെടുത്തപ്പെട്ട മലബാർ ജലോത്സവം ഇത്തവണ നടത്തുന്നതിനായുള്ള സാധ്യത മങ്ങുന്നു. കൊവിഡ് കാരണം ഇത്തവണ മലബാർ ജലോത്സവം നടത്താനാവാത്തതിന്‍റെ വിഷമത്തിലാണ് സംഘാടകരും നാട്ടുകാരും. സെപ്തംബർ, ഒക്ടോബർ മാസങ്ങൾ മംഗലശേരിക്കാർക്ക് വള്ളംകളിയുടെ നാളുകളായിരുന്നു. കഴിഞ്ഞ അഞ്ചു സീസണുകളിൽ മംഗലശേരിപ്പുഴയോരത്തെ പവലിയനിൽ ആർപ്പോ... ഇർറോ വിളികളുയർന്നിരുന്നു. മംഗലശേരിപ്പുഴയുടെ ഓളങ്ങളെ കീറി മുറിച്ച് ചുരുളൻ വള്ളങ്ങളും ചെറുവള്ളങ്ങളും ഫോട്ടോ ഫിനിഷിംഗിലേക്ക് കുതിച്ചു പാഞ്ഞ നാളുകളുടെ ആവേശം ഇത്തവണ ഓർമ്മ മാത്രമാണ്.
മലബാർ ജലോത്സവത്തിന്‍റെ സാധ്യത മങ്ങുന്നു