കണ്ണൂർ:ജലനിരപ്പ് ഉയർന്നതിനെ തുടർന്ന് പഴശ്ശി ഡാമിന്‍റെ ഷട്ടറുകൾ ഭാഗികമായി തുറന്നു. വെള്ളം ഒഴുക്കിവിടുകയാണെന്നും അതേസമയം അപകട സാഹചര്യമില്ലെന്നും അധികൃതർ അറിയിച്ചു. എങ്കിലും വളപട്ടണം, കല്യാശേരി, മയ്യിൽ, മലപ്പട്ടം, പാപ്പിനിശേരി, പടിയൂർ, ഇരിക്കൂർ, ചെങ്ങളായി പ്രദേശങ്ങളിൽ താമസിക്കുന്നവർക്ക് ജാഗ്രത നിർദേശം നൽകിയിട്ടുണ്ട്. പൊലീസ്, ഫയർഫോഴ്‌സ് തുടങ്ങിയവ സ്ഥലത്ത് സജ്ജമാണ്. 27.52 മീറ്ററാണ് ഡാമിന്‍റെ പരമാവധി ശേഷി. നിലവിൽ 24.55 മീറ്ററാണ് ജലനിരപ്പ്. ഓരോ മണിക്കൂറിലും ജലനിരപ്പ് 10 സെന്‍റിമീറ്റർ ഉയരുന്നുണ്ട്. പഴശ്ശി ഡാമിന്‍റെ വൃഷ്ടിപ്രദേശങ്ങളിൽ ശക്തമായ മഴ തുടരുന്ന സാഹചര്യത്തിൽ സുരക്ഷിതത്വം കണക്കിലെടുത്താണ് ഷട്ടറുകൾ തുറക്കാൻ ജില്ല കലക്‌ടർ അനുമതി നൽകിയത്. ജില്ലയിൽ മഴ കനക്കുന്ന സാഹചര്യത്തിലാണ് ഡാം തുറക്കാനുള്ള നടപടി സ്വീകരിച്ചത്.
പഴശ്ശി ഡാമിന്‍റെ ഷട്ടറുകൾ തുറന്നു