വാക്‌സിൻ ചലഞ്ചിൽ പങ്കാളികളായി പയ്യന്നൂർ പൊലീസ്‌

പയ്യന്നൂർ ഡിവൈ.എസ്.പി, സി.ഐ, എസ്.ഐമാർ, സീനിയർ സിവിൽ പൊലീസ് ഓഫീസർമാർ, സിവിൽ പൊലീസ് ഓഫീസർമാരടക്കമാണ് വാക്സിൻ ചലഞ്ചിൽ പങ്കാളികളായത്.

കണ്ണൂർ:കേരള സർക്കാരിന്‍റെ കൊവിഡ്‌ വാക്‌സിൻ ചലഞ്ചിൽ പങ്കാളികളായി പയ്യന്നൂർ പൊലീസും. പയ്യന്നൂർ ഡിവൈ.എസ്.പി, സി.ഐ, എസ്.ഐമാർ, സീനിയർ സിവിൽ പൊലീസ് ഓഫീസർമാർ, സിവിൽ പൊലീസ് ഓഫീസർമാരടക്കമാണ് വാക്സിൻ ചലഞ്ചിൽ പങ്കാളികളായത്. ഓഫീസർമാരിൽ പലരും രണ്ടും മൂന്നും ഗഡുക്കൾ വരെ ചലഞ്ചിലേക്ക് നൽകിയിട്ടുണ്ട്. സേനാംഗങ്ങളിൽ നിന്നും ലഭിച്ച പത്ത് ലക്ഷം രൂപ വാക്സിൻ ചലഞ്ചിലേക്ക് നൽകുന്നതിന്‍റെ സമ്മതപത്രം നിയുക്ത പയ്യന്നൂർ എംഎൽഎ ടി.ഐ മധുസൂദനന് ഡിവൈഎസ്‌പി എം.സുനിൽ കുമാർ കൈമാറി.

കൊവിഡ് മാനദണ്ഡപ്രകാരം നടന്ന ചടങ്ങിൽ എസ്.എച്ച്.ഒ എം.സി പ്രമോദ് അധ്യക്ഷത വഹിച്ചു. കെ.പി.ഒ.എ ജില്ലാ സെക്രട്ടറി വെള്ളോറ രമേശൻ, കെ.പി.എ ജില്ലാ പ്രസിഡന്‍റ്‌ പ്രിയേഷ്, എസ്ഐമാരായ എൻ.കെ ഗിരീഷ്, കെ.പി ഹരിദാസൻ തുടങ്ങിയവരും ചടങ്ങിൽ സംബന്ധിച്ചു.