കണ്ണൂർ:പ്രശസ്‌തശില്‍പി കാനായി കുഞ്ഞിരാമന്‍ നിര്‍മിച്ച ശില്‍പങ്ങള്‍ നേരിടുന്നത് വന്‍ അവഗണന. കണ്ണൂർ പയ്യാമ്പലം പാർക്കിലുള്ള ശിൽപങ്ങളായ മണ്ണിൽ തീർത്ത അമ്മയും കുഞ്ഞും, തെയ്യം ശിൽപ സമുച്ചയം, റിലാക്‌സ്‌ എന്നിവ കാടുകയറിയ നിലയിലാണ്. പാർക്കിൻ്റെ വികസനമെന്ന പേരിൽ നിരന്തരമായ അവഗണനയാണ് കലാനിര്‍മിതികള്‍ നേരിടുന്നത്.
പയ്യാമ്പലം പാര്‍ക്കിലെ കാനായി കുഞ്ഞിരാമന്‍റെ ശില്‍പങ്ങള്‍ സംരക്ഷിക്കണമെന്ന് ആവശ്യം
'മണ്ണമ്മ' എന്ന് കാനായി കുഞ്ഞിരാമന്‍ പേരിട്ടുവിളിച്ച അമ്മയും കുഞ്ഞും ശിൽപം മൺകൂനയ്‌ക്ക് സമാനമായിത്തീര്‍ന്നു. കിടന്ന് മുലയൂട്ടുന്ന അമ്മയയും കുഞ്ഞുമാണ് രൂപം. ഇതിന് തൊട്ടടുത്താണ് പാർക്കിലെ ഉപയോഗശൂന്യമായ ഫൈബർ കളിയുപകരണങ്ങൾ കൂട്ടിയിട്ടിരിക്കുന്നത്. പാർക്കിലേക്ക് കയറി വരുന്നവരെ മുന്‍പ് സ്വീകരിച്ചിരുന്നത് തെയ്യം ശില്‍പ സമുച്ചയമായിരുന്നു. എന്നാൽ, അതിനെ മറച്ചാണ് പുതിയ കെട്ടിടം പണിതത്.