കണ്ണൂർ:പാനൂരിൽ വീടിനകത്ത് 23കാരിയെ പ്രതി ശ്യാംജിത്ത് കഴുത്തറുത്ത് കൊലപ്പെടുത്തിയത് അതിക്രൂരമായി. കൂത്തുപറമ്പിലെ ഒരു കടയിൽ നിന്ന് വാങ്ങിയ ചുറ്റികയുമായാണ് ശ്യാംജിത്ത് കൊല്ലപ്പെട്ട വിഷ്‌ണുപ്രിയയുടെ വീട്ടിലെത്തിയതെന്ന് പൊലീസ് പറഞ്ഞു. ചുറ്റിക കൊണ്ട് അടിയേറ്റ് ബോധരഹിതയായ വിഷ്‌ണുപ്രിയയെ കഴുത്തറുത്ത് കൊല്ലുകയായിരുന്നുവെന്ന് ശ്യാംജിത്ത് പൊലീസിന് മൊഴി നൽകിയതായാണ് വിവരം.
അഞ്ച് വർഷമായി ശ്യാംജിത്തും വിഷ്‌ണുപ്രിയയും പ്രണയത്തിലായിരുന്നു. എന്നാൽ ആറ് മാസം മുൻപ് വിഷ്‌ണുപ്രിയ പ്രണയത്തിൽ നിന്ന് പിന്മാറുകയും മറ്റൊരാളുമായി അടുപ്പത്തിലാകുകയും ചെയ്‌തു. ഇതിലുള്ള പ്രതികാരമാണ് കൊലപാതകത്തിലേക്ക് നയിച്ചത് എന്നാണ് ശ്യാംജിത്ത് നൽകിയ മൊഴി. വീടിന്‍റെ പിൻവശത്തെ ഗ്രില്ല് തുറന്നാണ് അകത്ത് കയറിയതെന്നും പ്രതി മൊഴി നൽകി.