കണ്ണൂർ:യൂത്ത് കോണ്‍ഗ്രസ് പാലക്കാട് സംഘടിപ്പിച്ച ചിന്തൻ ശിബിരത്തിലെ പീഡന പരാതിയില്‍ ഷാഫി പറമ്പിലിനോട് വിശദീകരണം ചോദിച്ചതായി കെ.പി.സി.സി അധ്യക്ഷൻ കെ സുധാകരൻ എം.പി. അതൊരു ചെറിയ കാര്യമാണ്. അതേക്കുറിച്ച്‌ പഠിച്ചിട്ടില്ലെന്നും അദ്ദേഹം കണ്ണൂരിൽ മാധ്യമങ്ങളോട് പറഞ്ഞു.
പാലക്കാട് ചിന്തൻ ശിബിരത്തിലെ പീഡന പരാതിയെക്കുറിച്ച് കെ സുധാകരന്‍
യൂത്ത് കോണ്‍ഗ്രസ് സംസ്ഥാന കമ്മിറ്റി അംഗം വിവേക് എച്ച് നായര്‍ക്ക് എതിരെയാണ് വനിത ഭാരവാഹിയായ യുവതി സംഘടനയ്‌ക്ക്‌ പരാതി നല്‍കിയത്. ഇതേതുടര്‍ന്ന് വിവേകിനെ കേന്ദ്ര നേതൃത്വം സസ്‌പെന്‍ഡ് ചെയ്‌തിരുന്നു. ഇയാള്‍ കിടക്ക പങ്കിടണമെന്ന് ആവശ്യപ്പെട്ടതായും സ്വകാര്യ ഭാഗത്ത് സ്‌പര്‍ശിച്ചു എന്നുമാണ് യുവതിയുടെ പരാതി.