കണ്ണൂര്‍: കാലവർഷം താളംതെറ്റിയതോടെ രൂക്ഷമായ പ്രതിസന്ധിയിൽ അകപ്പെട്ടിരിക്കുകയാണ് നെൽകർഷകർ. കണ്ണൂർ ജില്ലയിലെ മിക്ക പാടശേഖരങ്ങളിലേയും ഒന്നാം വിള നെൽകൃഷി വെള്ളം കിട്ടാതെ നിറം മങ്ങി. തരിശായി കിടക്കുന്ന പാടങ്ങളിൽ നെൽകൃഷി പ്രോത്സാഹിപ്പിക്കാൻ സർക്കാർ വൻ സബ്‌സിഡി പ്രഖ്യാപിച്ചതോടെ നിരവധി പേരാണ് വയലുകളിലേക്ക് ഇറങ്ങിയത്. ജില്ലയിൽ മൂവായിരം ഹെക്ടറിലാണ് ഒന്നാംവിള നെൽകൃഷി ഇറക്കിയത്. ജൂൺ ആദ്യവാരത്തിൽ നാട്ടിപ്പണി തുടങ്ങി രണ്ടാഴ്ചകൊണ്ട് അവസാനിക്കാറാണ് പതിവ്. എന്നാൽ ജൂലൈ തുടങ്ങിയിട്ടും ഞാറ് വിതച്ചിടത്ത് തന്നെ വളരുന്നു. മഴ തിമിർത്ത് പെയ്യേണ്ട സമയത്ത് കിണറിൽ നിന്ന് വെള്ളം പമ്പ് ചെയ്ത് വയലിൽ ഇറങ്ങേണ്ട അവസ്ഥയിലാണ് കർഷകർ.
കാലവര്‍ഷത്തില്‍ പ്രതീക്ഷിച്ച മഴ ലഭിച്ചില്ല; നെല്‍കര്‍ഷകര്‍ പ്രതിസന്ധിയില്‍