കണ്ണൂർ:സിഡിഎം മെഷിനിൽ നിന്നും റിട്ടേൺ വന്ന പണം കവർന്ന പ്രതിയെ പിടികൂടാനാവാതെ പൊലീസ്. പനങ്ങാട്ടൂർ സ്വദേശി പ്രവീണിന്‍റെ 22,500 രൂപയാണ് ഇയാൾ കവർന്നത്. സിസിടിവി ദൃശ്യങ്ങൾ അടക്കം പുറത്തുവന്നിട്ടും യാതൊരു നടപടികളും ഇതുവരെ ഉണ്ടായില്ല. ഏപ്രിൽ 24നാണ് തളിപ്പറമ്പ് തൃച്ചംബരം എസ്ബിഐയുടെ സിഡിഎം മെഷിൻ വഴി 28,000 രൂപ പ്രവീൺ നിക്ഷേപിക്കാൻ ശ്രമിച്ചത്. 5,500 രൂപ മെഷിനിൽ നിന്നും തിരിച്ചു വന്നതിനെ തുടർന്ന് ക്യാൻസൽ ചെയ്‌തു പോകുകയായിരുന്നു. എന്നാൽ നിക്ഷേപിച്ച ബാക്കി തുകയായ 22,500 രൂപ അക്കൗണ്ടിൽ കയറാത്തതിനാൽ ബാങ്കിൽ പരാതി കൊടുത്തിരുന്നു.
സിഡിഎം മെഷീനിൽ നിന്നും പണം കവർന്ന സംഭവം; പ്രതിയെ പിടികൂടാനാവാതെ പൊലീസ്