കണ്ണൂർ ചാലോട് റോഡിൽ ലോറികൾ കൂട്ടിയിടിച്ചു; ഡ്രൈവർക്ക് പരിക്ക്

പരിക്കേറ്റ മിനിലോറി ഡ്രൈവറിനെ ജില്ലയിലെ എ കെ ജി ആശുപത്രിയിൽ പ്രവേശിപ്പിച്ചു.

കണ്ണൂർ:കണ്ണൂർ -മട്ടന്നൂർ ചാലോട് റോഡിൽ ലോറികൾ കൂട്ടിയിടിച്ചു. മട്ടന്നൂർ ഭാഗത്ത്‌ നിന്ന് കണ്ണൂരിലേക്ക് മണൽ കയറ്റിപ്പോവുകയായിരുന്ന ലോറിയും അഞ്ചരക്കാണ്ടി ഭാഗത്ത് നിന്നും വന്ന ചരക്കുലോറിയുമാണ് ചാലോട് ജംഗ്ഷനിൽ കൂട്ടിയിടിച്ചത്.

മിനി ലോറിയുടെ മുൻ ഭാഗം പൂർണ്ണമായും തകർന്നു. ഇടിയുടെ ആഘാതത്തിൽ ചരക്ക് ലോറി റോഡരികിലേക്ക് മറിഞ്ഞു. പരിക്കേറ്റ മിനിലോറി ഡ്രൈവറിനെ കണ്ണൂർ എ കെ ജി ആശുപത്രിയിൽ പ്രവേശിപ്പിച്ചു.