കണ്ണൂർ: തദേശ സ്വയഭരണ സ്ഥാപനങ്ങളിലേക്ക് ഡിസംബർ 14ന് നടക്കുന്ന തെരഞ്ഞെടുപ്പിനോടനുബന്ധിച്ച് അതിർത്തികളിൽ വാഹന പരിശോധന കർശനമാക്കി. കേരള എക്സൈസും മാഹി പൊലീസുമാണ് മദ്യകടത്ത് തടയാൻ അതിർത്തികളിൽ സംയുക്ത പരിശോധന നടത്തിയത്. തെരഞ്ഞെടുപ്പിനോടനുബന്ധിച്ച് ഡിസംബർ 12ന് വൈകിട്ട് 6 മണി മുതൽ 14ന് വൈകീട്ട് 6 മണി വരെ കേരളത്തിലും മാഹിയിലും മദ്യഷാപ്പുകൾ അവധിയാണ്. ഇതിന്‍റെ ഭാഗമായി മാഹിയിൽ നിന്നും കേരളത്തിലേക്ക് വൻതോതിൽ മദ്യ കടത്ത് നടക്കുന്നുണ്ട്. ഇത് തടയാനാണ് സംയുക്ത വാഹന പരിശോധന നടത്തിയത്. കൂടാതെ അതിർത്തികളിൽ ഇരുപത്തിനാല് മണിക്കൂറും പട്രോളിങ്ങും ഏർപ്പെടുത്തിയിട്ടുണ്ട്.
കണ്ണൂരിന്‍റെ അതിർത്തി പ്രദേശങ്ങളിൽ വാഹന പരിശോധന കർശനമാക്കി