കണ്ണൂര്‍: കണ്ണൂർ ഗവണ്‍മെന്‍റ് കോളജ് ആശുപത്രിയിൽ നിന്ന് ശനിയാഴ്ച മൂന്ന് പേര്‍ കൊവിഡ് രോഗമുക്തി നേടി. ആലക്കോട് സ്വദേശികളായ ഒരു കുടുംബത്തിലെ മൂന്ന് പേരാണ്‌ ഗവണ്‍മെന്‍റ് മെഡിക്കൽ കോളജിൽ നിന്ന് രോഗമുക്തി നേടി ആശുപത്രി വിട്ടത്. മാർച്ച്‌ 24 ന് ആണ് 35 വയസുള്ള യുവാവിനെ കൊവിഡ് സംശയിച്ച് കണ്ണൂർ ഗവണ്‍മെന്‍റ് കോളജ് ആശുപത്രിയിൽ പ്രവേശിപ്പിച്ചത്‌. പരിശോധനയില്‍ കൊവിഡ് പോസിറ്റീവാണെന്ന് കണ്ടെത്തി. അതിനു ശേഷം ഈ വ്യക്തിയുടെ മാതാപിതാക്കൾക്ക് രോഗം സ്ഥിരീകരിച്ചു. ഏപ്രില്‍ 10ന് ആശുപത്രിയില്‍ പ്രവേശിപ്പിച്ചു. ഇതോടെ കണ്ണൂർ ഗവണ്‍മെന്‍റ് മെഡിക്കൽ കോളജിൽ നിന്ന് രോഗമുക്തി നേടിയവരുടെ എണ്ണം 29 ആയി ഉയർന്നു.
കണ്ണൂരില്‍ മൂന്ന് പേര്‍ക്ക് കൊവിഡ് രോഗ മുക്തി