കണ്ണൂര്‍:സംസ്ഥാന ചരിത്രത്തിലെ തന്നെ ഏറ്റവും വലിയ സാമ്പത്തിക പ്രതിസന്ധിയിലാണ് തദ്ദേശസ്വയംഭരണ സ്ഥാപനങ്ങളെന്ന് കെ.സി.ജോസഫ് എംഎൽഎ. കണ്ണൂർ മുൻസിപ്പൽ കോർപ്പറേഷൻ യുഡിഎഫ് കൗൺസിലർമാരുടെ നേതൃത്വത്തിൽ ജില്ലാ ട്രഷറിയിലേക്ക് നടത്തിയ മാർച്ചും ധർണയും ഉദ്ഘാടനം ചെയ്യുകയായിരുന്നു അദ്ദേഹം. ഭരണവീഴ്‌ച മൂലം പാപ്പരായ സർക്കാരാണ് കേരളത്തിലുള്ളതെന്നും സർവമേഖലയിലും ഭരണസ്‌തംഭനമാണെന്നും അദ്ദേഹം പറഞ്ഞു. ട്രഷറികൾ പണമില്ലാതെ പൂട്ടിയിട്ട അവസ്ഥയിലാണ്. തദ്ദേശസ്ഥാപനങ്ങൾക്കുള്ള ഫണ്ട് അനുവദിക്കേണ്ടത് മുഖ്യമന്ത്രി പിണറായി വിജയന്‍റെയും ധനമന്ത്രി തോമസ് ഐസക്കിന്‍റെയും ഔദാര്യമല്ലെന്നും അദ്ദേഹം കൂട്ടിച്ചേര്‍ത്തു.
തദ്ദേശസ്വയംഭരണ സ്ഥാപനങ്ങൾ ഏറ്റവും വലിയ സാമ്പത്തിക പ്രതിസന്ധിയിലെന്ന് കെ.സി.ജോസഫ് എംഎൽഎ