കണ്ണൂർ: കണ്ണപുരം മൊട്ടമ്മലിൽ മിനി ലോറിയും സ്‌കൂട്ടറും കൂട്ടിയിടിച്ച് രണ്ട് മരണം. സ്‌കൂട്ടര്‍ യാത്രികരായ ഇരിണാവ് സ്വദേശി കപ്പള്ളി ബാലകൃഷ്‌ണന്‍ (74), കൂളിച്ചാൽ തറോൽ ജയരാജൻ (51) എന്നിവരാണ് മരിച്ചത്. ഇന്ന് ഉച്ചയ്ക്ക് മൂന്ന് മണിയോടെയായിരുന്നു അപകടം.
അമിതവേഗതയിലെത്തിയ ലോറിയും സ്‌കൂട്ടറും കൂട്ടിയിടിച്ചു; ഇരുചക്രവാഹന യാത്രികര്‍ക്ക് ദാരുണാന്ത്യം
കണ്ണപുരം മൊട്ടമ്മലിലാണ് മിനി ലോറിയും സ്‌കൂട്ടറും കൂട്ടിയിടിച്ച് രണ്ടുപേര്‍ മരിച്ചത്
അമിതവേഗതയിലെത്തിയ ലോറിയും സ്‌കൂട്ടറും കൂട്ടിയിടിച്ചു
അമിതവേഗതയിലെത്തിയ ലോറി ഇരുചക്രവാഹനത്തെ ഇടിച്ചുതെറിപ്പിക്കുകയായിരുന്നു. സംഭവം നടക്കുന്ന സമയം ശക്തമായ മഴയുണ്ടായിരുന്നു. സ്‌കൂട്ടര്‍ യാത്രികര്‍ സംഭവ സ്ഥലത്തുവച്ച് തന്നെ മരിച്ചു. പോസ്റ്റ്‌മോര്‍ട്ടത്തിന് ശേഷം മൃതദേഹങ്ങള്‍ നാളെ (ഡിസംബര്‍ 13) ബന്ധുക്കള്‍ക്ക് വിട്ടുനല്‍കും.