കണ്ണൂർ: ജില്ലാ ജയിലിൽ നിർമിച്ച കിണ്ണത്തപ്പവും പൂച്ചട്ടിയും വിപണിയിലിറക്കി. ജയിൽ ഡിജിപി ഋഷിരാജ് സിങ്‌ പുതിയ ഉൽപന്നങ്ങളുടെ വിൽപനോദ്ഘാടനം നിർവ്വഹിച്ചു. ജയിൽ വാർഷികാഘോഷത്തിന് തുടക്കം കുറിച്ച ചടങ്ങിൽ ബാലതാരം അഭിനന്ദ‌് മുഖ്യാതിഥിയായി.
കണ്ണൂർ ജില്ലാ ജയിലിൽ നിന്ന് ഇനി മുതൽ കിണ്ണത്തപ്പവും പൂച്ചട്ടിയും കിട്ടും
'കണ്ണൂരിന്‍റെ കിണ്ണത്തപ്പം' എന്നതാണ് ബ്രാൻഡ് നെയിം. പുറത്ത് കിലോയ്ക്ക് 150 രൂപ വിലവരുന്ന കിണ്ണത്തപ്പത്തിന് ജയിലിൽ 120 രൂപയാണ് വിലയിട്ടിരിക്കുന്നത്. സെൻട്രൽ ജയിലിന്‍റെ കൗണ്ടർ വഴിയാണ് വിതരണം. കൂടുതൽ വേണ്ടവർക്ക് മുൻകൂട്ടി ഫോണിൽ വിളിച്ച് ബുക്ക് ചെയ്യാം. നാല് തടവുകാരുടെ കൂട്ടായ്‌യാണ് കിണ്ണത്തപ്പം ഉണ്ടാക്കുന്നത്.