കണ്ണൂര്‍: കോർപ്പറേഷൻ മേയർ പദവി മുസ്ലീം ലീഗിന് കൈമാറുന്ന കാര്യത്തിൽ ഞായറാഴ്‌ച കെ.സുധാകരൻ എംപിയുടെ സാന്നിധ്യത്തിൽ നടക്കുന്ന ചർച്ചയിൽ തീരുമാനമാകും. അവശേഷിക്കുന്ന ആറ് മാസം കോർപ്പറേഷൻ മേയർ പദവി ആവശ്യപ്പെട്ട് മുസ്ലീം ലീഗ് ജില്ലാ കമ്മിറ്റി കഴിഞ്ഞ ദിവസം യുഡിഎഫ് ചെയർമാന് കത്ത് നൽകിയിരുന്നു. മാർച്ച് നാലിനുള്ളിൽ നിലവിലുള്ള മേയർ സ്ഥാനം ഒഴിഞ്ഞ് മുസ്ലീം ലീഗിലെ അംഗത്തിന് സത്യപ്രതിജ്ഞ ചെയ്യാൻ സൗകര്യമൊരുക്കണമെന്നാണ് കത്തിൽ ആവശ്യപ്പെട്ടത്. എന്നാൽ കെ.സുധാകരൻ എംപി കണ്ണൂരിൽ എത്തിച്ചേരാത്തതിനാല്‍ ഇത് സംബന്ധിച്ച തീരുമാനം വൈകുകയാണ്.
കണ്ണൂര്‍ കോർപ്പറേഷൻ മേയർ പദവി; തീരുമാനം മാര്‍ച്ച് എട്ടിന്