കണ്ണൂർ: സെൻട്രൽ ജയിലിൽ ഗുണ്ട ആക്രമണത്തിൽ തടവുകാരന് ഗുരുതര പരിക്ക്. പെരിയ ഇരട്ടക്കൊലക്കേസ് മൂന്നാം പ്രതി കെ എം സുരേഷിനാണ് പരിക്കേറ്റത്. അടിയേറ്റ് സുരേഷിന്‍റെ തലയ്ക്ക് ഗുരുതരമായി മുറിവേറ്റു. സുരേഷിനെ കണ്ണൂർ ജില്ല ആശുപത്രിയിൽ അടിയന്തര ശസ്ത്രക്രിയക്ക് വിധേയമാക്കി.
പെരിയ ഇരട്ടക്കൊലക്കേസിലെ മൂന്നാം പ്രതിയാണ് സിപിഎം പ്രവർത്തകനായ എച്ചിലാംവയൽ സ്വദേശി സുരേഷ്. വ്യാഴാഴ്‌ച രാവിലെ 9.30ഓടെയായിരുന്നു ആക്രമണം. രണ്ടാം ബ്ലോക്കിനടുത്ത് വച്ച് സുരേഷ് വ്യായാമം ചെയ്യവെയാണ് തലയ്ക്ക് അടിയേറ്റത്. ഡംബൽ ഉപയോഗിച്ചായിരുന്നു അടി.