കണ്ണൂര്‍: കോട്ടൂരിലെ മാന്നാത്ത് ചിന്നമ്മ 74ാം വയസിലും തിരക്കിലാണ്. ചിന്നമ്മച്ചേടത്തിയുടെ കൈയില്‍ കിട്ടിയാല്‍ പാളയും വാഴപ്പോളയുമെല്ലാം നിമിഷനേരം കൊണ്ടാണ് ആരെയും വിസ്‌മയിപ്പിക്കുന്ന അലങ്കാരവസ്‌തുക്കളായി മാറുന്നത്. ഒഴിവുസമയങ്ങൾ ആനന്ദകരമാക്കുന്നതിനൊപ്പം പാഴ്‌വസ്‌തുക്കളില്‍ നിന്നുള്ള അലങ്കാരവസ്‌തു നിര്‍മാണം ചിന്നമ്മക്ക് ഇന്നൊരു വരുമാനമാര്‍ഗം കൂടിയാണ്. ഒമ്പത് വർഷത്തോളമായി തുടരുന്ന അലങ്കാരവസ്‌തു നിര്‍മാണം ചിന്നമ്മയുടെ ജീവിതത്തിന്‍റെ ഭാഗമായി മാറി. ഭർത്താവ് ആന്‍റണിയായിരുന്നു കരകൗശലവസ്‌തു നിർമാണത്തിലെ ചിന്നമ്മയുടെ പ്രോത്സാഹനം. രണ്ട് വർഷം മുമ്പ് ആന്‍റണി ലോകത്തോട് വിട പറഞ്ഞെങ്കിലും ഭര്‍ത്താവിന്‍റെ ഓര്‍മകൾക്കൊപ്പം ചിന്നമ്മ തന്‍റെ ശീലത്തെയും ചേര്‍ത്തുപിടിച്ചു.
അലങ്കാരവസ്‌തു നിര്‍മാണത്തിലെ ചിന്നമ്മ ഗാഥകൾ