കണ്ണൂര്‍:ഗ്യാസ് നിറച്ച ടാങ്കര്‍ ലോറിക്ക് തീപിടിച്ചു. താവത്ത് പെട്രോള്‍ പമ്പിന് സമീപം വെള്ളിയാഴ്‌ച രാത്രിയാണ് സംഭവം. മംഗലാപുരത്ത് നിന്ന് പാലക്കാട്ടേക്ക് പോകുന്ന ടാങ്കര്‍ ലോറിയിലാണ് തീപിടിത്തമുണ്ടായത്.
ടാങ്കറിലെ തീയണക്കുന്ന ദൃശ്യങ്ങള്‍
ടാങ്കറിന് മുമ്പിലെ കാബിൻ ചൂടായതിനെ തുടര്‍ന്ന് ഡ്രൈവര്‍ ലോറി നിര്‍ത്തി നോക്കിയപ്പോഴാണ് ലോറിയുടെ ഹെഡ് ലൈറ്റിന്‍റെ ഭാഗത്ത് തീയും പുകയും കണ്ടത്. സംഭവം ശ്രദ്ധയില്‍പ്പെട്ടതോടെ ലോറിയുടെ ഫയര്‍ ഗണ്‍ ഉപയോഗിച്ച് ഡ്രൈവര്‍ തീയണച്ചു. വിവരമറിഞ്ഞ് നാട്ടുകാരും കണ്ണപുരം പഴയങ്ങാടി പൊലീസും പയ്യന്നൂരിൽ നിന്ന് 2 യൂണിറ്റ് ഫയർഫോഴ്‌സ് സംഘവും സ്ഥലത്തെത്തി.