കണ്ണൂർ: ഫസൽ വധക്കേസിൽ പ്രതിപ്പട്ടികയിലുള്ള സിപിഎം നേതാക്കളായ കാരായി രാജനും കാരായി ചന്ദ്രശേഖരനും നീതി നിഷേധിക്കുകയാണെന്ന് ആരോപിച്ച് കണ്ണൂരിൽ ചൊവ്വാഴ്‌ച വൃക്ഷത്തൈകൾ നട്ട് പ്രതിഷേധം. പുരോഗമന കലാ സാഹിത്യ സംഘവും കതിരൂർ പഞ്ചായത്തിലെ സാംസ്‌കാരിക സ്ഥാപനങ്ങളും ചേർന്നാണ്‌ പ്രതിഷേധം സംഘടിപ്പിക്കുന്നത്. ഫസൽ വധക്കേസ് ഗൂഢാലോചനയുമായി ബന്ധപ്പെട്ട് 2012 ജൂൺ 22നാണ്‌ ഇരുവരും എറണാകുളം കോടതിയിൽ ഹാജരായത്‌.
Also Read:മാഹിയില്‍ മദ്യശാലകള്‍ തുറക്കില്ല
ജയിൽവാസത്തിനുശേഷം ഏഴര വർഷമായി ജാമ്യ വ്യവസ്ഥയിൽ ഇരുവരും എറണാകുളത്താണ്‌ കഴിയുന്നത്‌. യഥാർഥ കുറ്റവാളികൾ സത്യം തുറന്നുപറഞ്ഞിട്ടും തുടരന്വേഷണമില്ലാതെ നീതി വൈകിപ്പിക്കുകയാണെന്നാണ് ആരോപണം. സിബിഐയ്‌ക്കാണ് കേസിന്‍റെ അന്വേഷണ ചുമതല.
ഫസൽ വധക്കേസ്; കണ്ണൂരിൽ വൃക്ഷത്തൈകൾ നട്ട് പ്രതിഷേധം