സിബിഐ കൂട്ടിലടച്ച പട്ടിയെന്ന് സിപിഎം ജില്ലാ സെക്രട്ടറി എംവി ജയരാജൻ

യജമാനന്മാരല്ലാത്തവരെ കാണുമ്പോൾ അവർ കുരക്കുമെന്നും ജയരാജൻ പറഞ്ഞു

കണ്ണൂർ: സി.ബി.ഐ കൂട്ടിലടച്ച പട്ടിയാണെന്ന് സിപിഎം ജില്ലാ സെക്രട്ടറി എംവി ജയരാജൻ. കോടതി പറയുംപോലെ സിബിഐ കൂട്ടിലടച്ച തത്തയല്ല, യജമാനൻമാർ വരുമ്പോൾ സ്നേഹം കാണിക്കുന്ന പട്ടിയാണ്. യജമാനന്മാരല്ലാത്തവരെ കാണുമ്പോൾ അവർ കുരക്കുമെന്നും ജയരാജൻ പറഞ്ഞു.

എൻഫോഴ്സ്മെൻ്റ് ഡയറക്ടറ്റ് കോൺ​ഗ്രസിൻ്റേയും ബിജെപിയുടേയും 'ഇലക്ഷൻ ഡിപ്പാർട്ട്മെൻ്റാ' ണെന്നും എംവിജയരാജൻ പരിഹസിച്ചു. പാതയോര സമരങ്ങൾക്കെതിരെ ഉത്തരവ് നടപ്പാക്കിയ ഹൈക്കോടതി ജഡ്ജിയെ 'ശുംഭൻ' എന്നു വിളിച്ചതിൻ്റെ പേരിൽ പൊല്ലാപ്പിലായ നേതാവാണ് എം വി ജയരാജൻ.