കണ്ണൂർ: പെരുമ്പാമ്പിനെ കയറിൽ കെട്ടി വീഡിയോ ചിത്രീകരിച്ച് സാമൂഹ്യ മാധ്യമങ്ങളില്‍ പങ്കുവച്ച യുവാക്കൾക്കെതിരെ പരാതി. വീഡിയോ ശ്രദ്ധയിൽപ്പെട്ട പരിസ്ഥിതി- വന്യജീവി സംരക്ഷകനായ വിജയ് നീലകണ്‌ഠനാണ് പരാതി നൽകിയത്. തളിപ്പറമ്പ് ചിറവക്കില്‍ നിർമാണ ജോലിക്കെത്തിയ ഒരു സംഘം യുവാക്കൾ പെരുമ്പാമ്പിൻ്റെ കഴുത്തില്‍ കയര്‍ കുടുക്കി ക്രൂരമായി കൊന്നതായാണ് പരാതി. സംഭവത്തിൽ തളിപ്പറമ്പ് ഫോറസ്റ്റ് റേഞ്ച് ഓഫിസര്‍ ജയപ്രകാശിൻ്റെ നേതൃത്വത്തിലുള്ള സംഘം സ്ഥലം പരിശോധിച്ചു. കാപ്പിമല സ്വദേശിയായ ഒരാളെ പരാതിക്കാരൻ തിരിച്ചറിഞ്ഞിരുന്നു. വീഡിയോ ചിത്രീകരിച്ചത് ഇതര സംസ്ഥാന തൊഴിലാളിയാണെന്നും മൂന്നോളം പേരാണ് സംഭവസമയത്ത് ഉണ്ടായിരുന്നതെന്നും വിജയ് നീലകണ്‌ഠൻ പറഞ്ഞു.
പെരുമ്പാമ്പിനെ കൊന്ന് വീഡിയോ സാമൂഹ്യ മാധ്യമങ്ങളില്‍ പങ്കുവച്ച യുവാക്കൾക്കെതിരെ പരാതി