ഇരിട്ടിയിൽ ആർഎസ്എസ് പ്രവർത്തകന്‍റെ വീടിന് മുന്നിൽ സ്‌ഫോടനം

മട്ടന്നൂർ നഗരസഭ തെരഞ്ഞെടുപ്പ് ഫലം പുറത്തുവന്നതിന് പിന്നാലെയുണ്ടായ സംഘർഷങ്ങളാണ് സ്ഫോടനത്തിന് കാരണമെന്നാണ് റിപ്പോർട്ടുകൾ

കണ്ണൂർ : ഇരിട്ടി ചാവശ്ശേരിയിൽ ആർഎസ്എസ് പ്രവർത്തകന്‍റെ വീടിന് മുന്നിൽ സ്‌ഫോടനം. പ്രദേശവാസിയായ സുധീഷിന്‍റെ വീടിന് മുന്നില്‍ ഇന്നലെ അർധരാത്രിയോടെ ആയിരുന്നു അക്രമം നടന്നത്. മട്ടന്നൂർ നഗരസഭ തെരഞ്ഞെടുപ്പ് ഫലം പുറത്തുവന്നതിന് പിന്നാലെ ഈ പ്രദേശത്ത് വ്യാപക സംഘർഷമുണ്ടായിരുന്നു.

ആർഎസ്എസും എസ്‌ഡിപിഐയും തമ്മിലാണ് ഇവിടെ സംഘർഷമുണ്ടായിരുന്നത്. നാശനഷ്‌ടങ്ങളൊന്നും ഉണ്ടായിട്ടില്ല. പ്രദേശത്ത് വൻ പൊലീസ് സംഘം നിലയുറപ്പിച്ചിട്ടുണ്ട്.