കണ്ണൂര്‍: തന്‍റെ കുടുംബത്തിന് നേരെയുള്ള വ്യാജപ്രചരണം തുടർന്നാൽ താനും മക്കളും ആത്മഹത്യ ചെയ്യുമെന്ന് ആന്തൂരില്‍ ആത്മഹത്യ ചെയ്‌ത സാജന്‍റെ ഭാര്യ ബീന. കുടുംബപ്രശ്‌നങ്ങൾ ഒന്നുമുണ്ടായിരുന്നില്ല. എന്നിട്ടും കുടുംബത്തെ കുറിച്ച് തെറ്റായ വിവരങ്ങൾ പ്രചരിപ്പിക്കുന്നു. കുട്ടികളുടെ പേരിലും വ്യാജ വാര്‍ത്തകള്‍ പ്രചരിപ്പിക്കുന്നു. അപവാദ പ്രചരണത്തിന് പിന്നിൽ സിപിഎം പ്രവർത്തകരാണെന്നും ദേശാഭിമാനി പത്രത്തിനെതിരെ നിയമ നടപടി സ്വീകരിക്കുമെന്നും ബീന പറഞ്ഞു. കേസ് വഴിതിരിച്ച് വിടാൻ ശ്രമം നടക്കുന്നുണ്ടെന്നും ബീന കൂട്ടിച്ചേര്‍ത്തു.
വ്യാജപ്രചരണം തുടർന്നാൽ താനും മക്കളും ആത്മഹത്യ ചെയ്യുമെന്ന് സാജന്‍റെ ഭാര്യ