കണ്ണൂര്‍ : കോതമംഗലം നെല്ലിക്കുഴിയിൽ സുഹൃത്തിന്‍റെ വെടിയേറ്റ് കൊല്ലപ്പെട്ട മെഡിക്കല്‍ വിദ്യാര്‍ഥിനി മാനസയുടെ മൃതദേഹം കണ്ണൂരിലെത്തിച്ച ആംബുലന്‍സ്‌ അപകടത്തില്‍പ്പെട്ടു.
കോതമംഗലത്തേക്ക് തിരിച്ച്‌ പോവുകയായിരുന്ന ആംബുലൻസില്‍, തലശേരി ഭാഗത്തേക്ക്‌ പോവുകയായിരുന്ന ടാങ്കര്‍ ലോറി ഇടിക്കുകയായിരുന്നു. പുലര്‍ച്ച 2.50 ന് മാഹിപ്പാലത്തിന് സമീപം പരിമടത്തുവച്ചായിരുന്നു അപകടം. ആംബുലന്‍സ്‌ ഡ്രൈവർക്കും സഹായിക്കും സാരമായി പരിക്കേറ്റു. ഇരുവരെയും കണ്ണൂരിലെ സ്വകാര്യ ആശുപത്രിയിൽ പ്രവേശിപ്പിച്ചു.
മാനസയുടെ മൃതദേഹം രാവിലെ 7.30 തോടെ കണ്ണൂർ എകെജി ആശുപത്രിയിൽ നിന്നും കണ്ണൂരിലെ നാറാത്തെ വീട്ടിൽ എത്തിച്ച് പൊതുദർശനത്തിന് വച്ചു. പയ്യാമ്പലം ശാന്തി തീരം ശ്‌മശാനത്തിലാണ് സംസ്‌കാരം.