കണ്ണൂർ: മുഖ്യമന്ത്രി പിണറായി വിജയന്‍റെ സ്വന്തം നാടയ പിണറായിയിൽ വേറിട്ട രീതിയിൽ ആണ് എൽഡിഎഫ് പ്രവർത്തകർ പുതിയ സർക്കാരിന്‍റെ സത്യപ്രതിജ്ഞ ആഘോഷിച്ചത്. മധുര വിതരണത്തോടൊപ്പം കൊവിഡ് പ്രതിരോധ മരുന്ന് ഉൾപ്പടെ വീടുകളിൽ എത്തിച്ചാണ് ഇവർ ആഹ്ളാദം പങ്കുവെച്ചത്.
മധുരങ്ങളോടൊപ്പം മാസ്‌ക്കും സാനിറ്റൈസറും, സത്യപ്രതിജ്ഞ ആഘോഷിച്ച് പിണറായിയിലെ പ്രവർത്തകർ
മുഖ്യമന്ത്രി പിണറായി വിജയന്‍റെ വീടിനടുത്തുള്ള കമ്പനിമൊട്ടയിലെ പ്രവർത്തകരാണ് വേറിട്ട രീതിയിൽ സന്തോഷം പങ്കുവെച്ചത്. ഐസ്ക്രീം, പാൽ, ലഡു, തുടങ്ങി മധുരങ്ങളോടൊപ്പം മാസ്ക്, സാനിറ്റൈസർ, ഹോമിയോ കൊവിഡ് പ്രതിരോധ മരുന്ന് എന്നിവ കൂടി ഇവർ വീടുകളിലെത്തിച്ചു നൽകി.