കണ്ണൂരില്‍ വീടിന്‍റെ മേൽക്കൂര തകർന്നുവീണ് 60കാരി മരിച്ചു

വീടിന്‍റെ മേൽക്കൂര തകർന്നുവീഴാനുള്ള കാരണം കാലപ്പഴക്കമാണെന്നാണ് വിവരം.

കണ്ണൂര്‍:ജില്ലയിലെ പൊടിക്കുണ്ടില്‍ വീടിന്‍റെ മേൽക്കൂര തകർന്നുവീണ് വയോധിക മരിച്ചു. പുലർച്ചെ ഒരു മണിയോടെ നടന്ന സംഭവത്തില്‍ വസന്ത(60)യാണ് മരിച്ചത്. അപകടത്തില്‍ പരിക്കേറ്റ മകൻ ഷിബുവിനെ കണ്ണൂർ എ.കെ.ജി ആശുപത്രിയിൽ പ്രവേശിപ്പിച്ചു.

അഗ്നിരക്ഷസേനയെത്തിയാണ് ഇവരെ പുറത്തെടുത്തത്. കാലപ്പഴക്കമാവാം അപകടത്തിനു കാരണമെന്നാണ് പ്രാഥമിക നിഗമനം.