ഇടുക്കി:അപകടത്തിൽ പരിക്കേറ്റ് ചികിത്സയിലായിരുന്ന യുവ കലാകാരി മരിച്ചു. എസ്റ്റേറ്റ് പൂപ്പാറ ഒറ്റപ്ലാക്കൽ ഗീതുമോളാണ് (മീനാക്ഷി-20 ) മരിച്ചത്. ശ്രീകൃഷ്ണപുരത്ത് കാര്‍ മതിലില്‍ ഇടിച്ചുണ്ടായ അപകടത്തിലാണ് യുവതിയ്‌ക്ക് പരിക്കേറ്റത്. ഏതാനും ടെലിഫിലുമുകളിൽ അഭിനയിച്ചിട്ടുണ്ട്.
സിനിമ - സീരിയൽ താരം തനിമ ഉൾപ്പെടെയുളള സംഘം സഞ്ചരിച്ചിരുന്ന കാർ മണ്ണാർക്കാട്ട് നിന്ന് ഷൂട്ടിങ് കഴിഞ്ഞ് മടങ്ങുന്നതിനിടെ ബുധനാഴ്ചയാണ് സംഭവം. തനിമയ്‌ക്കും സഹയാത്രികരായ രമ, ബിന്ദു എന്നിവർക്കും അപകടത്തിൽ പരിക്കേല്‍ക്കുകയുണ്ടായി. മണ്ണാർക്കാട് വട്ടമ്പലത്തെ സ്വകാര്യ ആശുപത്രിയിൽ ചികിത്സയിലാണ് ഇവര്‍.