ഇടുക്കി : മൂന്നാറിലെ ജനവാസമേഖലയില്‍ കാട്ടാന ശല്യം അവസാനിക്കുന്നില്ല. മൂന്നാര്‍ ടൗണിലെ ദേവികുളം സ്റ്റാന്‍ഡില്‍ കാര്‍ഗില്‍ റോഡില്‍ സ്ഥിതി ചെയ്യുന്ന പാല്‍രാജിന്‍റെ പെട്ടിക്കട പുലര്‍ച്ചെ കാട്ടുകൊമ്പന്‍ തകര്‍ത്തു. കടക്ക് നാശനഷ്‌ടം വരുത്തിയതിനൊപ്പം കടയില്‍ ഉണ്ടായിരുന്ന പഴങ്ങളും പച്ചക്കറികളുമടക്കം തിന്ന് തീര്‍ക്കുകയും ചെയ്‌തു.
ഇത് അഞ്ചാം തവണയാണ് കാട്ടാന പാല്‍രാജിന്‍റെ പെട്ടിക്കട തകര്‍ത്ത് സാധന സാമഗ്രികള്‍ ഭക്ഷിക്കുന്നത്. കഴിഞ്ഞ ദിവസമായിരുന്നു പാല്‍രാജ് കടയിലേക്കാവശ്യമായ പഴങ്ങളും പച്ചക്കറികളും വാങ്ങി സംഭരിച്ചത്. കാട്ടാന അവ തിന്ന് തീര്‍ത്തതോടെ വലിയ നഷ്‌ടമാണുണ്ടായത്.
മൂന്നാറിൽ കാട്ടാന ശല്യം രൂക്ഷം; പാൽരാജിന്‍റെ പെട്ടിക്കട അഞ്ചാം തവണയും തകർത്ത് കൊമ്പൻ