ഇടുക്കി: മൂന്നാറിലെ (Munnar) എസ്റ്റേറ്റ് (Tea estate) മേഖലയില്‍ കാട്ടാനകളുടെ (Wild elephant) ശല്യം രൂക്ഷമാകുന്നു. തൊഴിലാളികള്‍ക്ക് പകല്‍ നേരങ്ങളില്‍ പോലും തോട്ടങ്ങളിൽ ജോലിക്കു പോകാന്‍ കഴിയാത്ത അവസ്ഥയാണ്. കഴിഞ്ഞ ദിവസം പെരിയവാര ആനമുടി ഡിവിഷനില്‍ പുലര്‍ച്ചയോടെ എത്തിയ ഒറ്റയാൻ എസ്‌റ്റേറ്റിലെ ശിശുപരിപാലന കേന്ദ്രവും തോട്ടം തൊഴിലാളി രാമരാജിന്‍റെ അടുക്കളത്തോട്ടവും നശിപ്പിച്ചു.
മൂന്നാറിലെ എസ്റ്റേറ്റ് മേഖലയിൽ കാട്ടാന ശല്യം രൂക്ഷം
തൊഴിലാളികളായ മുനിയമ്മ, ജോണ്‍ എന്നിവരുടെ വീടിന്‍റെ മേല്‍ക്കൂര തകര്‍ത്ത് ഒരുമണിക്കൂര്‍ കഴിഞ്ഞാണ് കൊമ്പൻ കാടുകയറിയത്. ആനപ്പേടിയില്‍ പുറത്തിറങ്ങാന്‍ കഴിയാത്ത അവസ്ഥയാണ് നിലവിലുള്ളതെന്ന് തൊഴിലാളികള്‍ പറയുന്നു.