ഇടുക്കി : ഇടുക്കിയുടെ തമിഴ്‌നാട് അതിര്‍ത്തി മേഖലയില്‍ വീണ്ടും കാട്ടാന ശല്യം രൂക്ഷമാകുന്നു. നെടുങ്കണ്ടം അണക്കരമെട്ടില്‍ ഇറങ്ങിയ കാട്ടാനക്കൂട്ടം ഏക്കറുകണക്കിന് ഭൂമിയിലെ ഏലം കൃഷി നശിപ്പിച്ചു. കുട്ടിയാന ഉള്‍പ്പടെ നാല് ആനകളാണ് ജനവാസ മേഖലയില്‍ ഇറങ്ങിയത്.
തമിഴ്‌നാട് വന മേഖലയോട് ചേര്‍ന്ന് സ്ഥിതി ചെയ്യുന്ന പ്രദേശമാണ് അണക്കരമെട്ട്. വന മേഖലയില്‍ നിന്നും രാത്രികാലങ്ങളില്‍ എത്തുന്ന കാട്ടാനകള്‍ പ്രദേശത്ത് തമ്പടിക്കുന്നത് പതിവാണ്. കഴിഞ്ഞ ദിവസം കൃഷിയിടങ്ങളിലേക്ക് എത്തിയ കാട്ടാനകള്‍ വിവിധ മേഖലകളിലായി പതിനായിരത്തോളം ഏല ചെടികളും വാഴ, കമുക് തുടങ്ങിയ വിളകളും നശിപ്പിച്ചു.
കാട്ടാന ശല്യം രൂക്ഷം; ജീവിതം വഴിമുട്ടി കര്‍ഷകര്‍