ഇടുക്കി: നിയമസഭയില്‍ പി.ടി തോമസിന്‍റെ ശബ്‌ദമായി മാറുമെന്ന് നിയുക്ത തൃക്കാക്കര എം.എല്‍.എ ഉമ തോമസ്. വിജയം പി.ടിക്ക് സമര്‍പ്പിക്കുന്നു. പി.ടിയുടെ നിലപാടുകള്‍ പിന്തുടരുമെന്നും താനിപ്പോഴും പി.ടിയുടെ ആരാധികയാണെന്നും ഉമ തോമസ് പറഞ്ഞു. പി.ടി തോമസിന്‍റെ കല്ലറയില്‍ പ്രാര്‍ഥിച്ചതിന് ശേഷം മാധ്യമപ്രവര്‍ത്തകരോട് സംസാരിക്കുകയായിരുന്നു അവര്‍.
പി.ടി തോമസിന്‍റെ കല്ലറയില്‍ പ്രാര്‍ഥിച്ചതിന് ശേഷം ഉമ തോമസ് മാധ്യമപ്രവര്‍ത്തകരോട് സംസാരിക്കുന്നു
പി.ടി തുടങ്ങി വച്ചത് പൂര്‍ത്തിയാക്കുകയാണ് തന്‍റെ ലക്ഷ്യമെന്നും ലാളിത്യത്തോടെ ജനങ്ങളുമായി ഇടപെടാനാണ് താന്‍ ആഗ്രഹിക്കുന്നതെന്നും ഉമ പറഞ്ഞു. സ്ഥാനാര്‍ഥി പ്രഖ്യാപനം വന്നശേഷം പി.ടി തോമസിന്‍റെ ജന്മനാട്ടില്‍ നിന്നാണ് ഉമ തോമസ് പ്രചാരണം ആരംഭിച്ചത്.