എംഎം മണിയോട് തോൽവി; തലമൊട്ടയടിച്ച് ഇഎം അഗസ്‌തി

എംഎം മണി ഇരുപതിനായിരത്തിൽ കൂടുതൽ വോട്ടുകൾക്ക് ജയിച്ചാൽ തല മൊട്ടയടിക്കും എന്നായിരുന്നു അഗസ്‌തിയുടെ പ്രഖ്യാപനം

ഇടുക്കി: ഉടുമ്പൻചോലയിലെ യുഡിഎഫ് സ്ഥാനാർഥിയായിരുന്ന ഇഎം ആഗസ്‌തി തെരഞ്ഞെടുപ്പ് ചാലഞ്ചിൻ്റെ ഭാഗമായി തല മുണ്ഡനം ചെയ്‌തു. എംഎം മണി ഇരുപതിനായിരത്തിൽ കൂടുതൽ വോട്ടുകൾക്ക് ജയിച്ചാൽ തല മൊട്ടയടിക്കും എന്നായിരുന്നു അഗസ്‌തിയുടെ പ്രഖ്യാപനം. മുപ്പത്തിയെണ്ണായിരത്തിലധികം വോട്ടുകളുടെ ഭൂരിപക്ഷത്തിലാണ് എംഎം അഗസ്തി ഉടുമ്പൻചോലയിൽ എംഎം മണിയോട് തോറ്റത്.

വോട്ടെണ്ണൽ ദിനം തോൽവി ഉറപ്പിച്ചപ്പോൾ തന്നെ തല മൊട്ടയടിക്കുമെന്ന് അഗസ്തി ഫെയ്‌സ്ബുക്കിലൂടെ അറിയിച്ചിരുന്നു. അഗസ്റ്റിയോട് തല മൊട്ടയടിക്കരുതെന്ന് എംഎം മണി തെരഞ്ഞെടുിപ്പ് വിജയത്തിന് ശേഷം അഭ്യർഥിച്ചു. എന്നാല്‍ ചൊവ്വാഴ്‌ച രാവിലെ വേളാങ്കണ്ണിയിൽ വെച്ചാണ് അഗസ്തി തല മൊട്ടയടിച്ചത്.