ഇടുക്കി:ജില്ലയിൽ മഴ ശമിച്ചതോടെഇടുക്കി അണക്കെട്ടിന്‍റെ രണ്ട് ഷട്ടറുകൾ താഴ്ത്തി. മൂന്നാമത്തെ ഷട്ടർ 35 സെന്‍റിമീറ്ററിൽ നിന്നും 40 സെന്‍റിമീറ്റർ ആയി ഉയർത്തി. ഇടുക്കി ജലാശയത്തിന്‍റെ വൃഷ്ടി പ്രദേശത്ത് മഴ കുറഞ്ഞതോടെ അണക്കെട്ടിലേക്കുള്ള നീരൊഴുക്കിൽ കുറവ് ഉണ്ടായതിനെ തുടർന്നാണ് അണക്കെട്ടിന്‍റെ രണ്ട് ഷട്ടറുകൾ താഴ്ത്തിയത്.
ഇന്ന് കൂടിയ റൂൾ കമ്മറ്റിയുടെതാണ് തീരുമാനം. 40 സെന്‍റിമീറ്റർ ഉയർത്തിയ മൂന്നാമത്തെ ഷട്ടറിലൂടെ 40 കുമിക്‌സ് വെള്ളം പുറത്തേക്ക് ഒഴുക്കാൻ തീരുമാനിച്ചു. മഴയുടെ ശക്‌തി കുറഞ്ഞതോടെ ജില്ലയിൽ ഓറഞ്ച് അലർട്ട് പിൻവലിച്ചിരുന്നു.