മൂന്നാറിൽ വിനോദ സഞ്ചാരി ഇടിമിന്നലേറ്റ് മരിച്ചു

ഒല്ലൂർ സ്വദേശി ലിജു ജോസഫ് ആണ് മരിച്ചത്. കൂടെയുണ്ടായിരുന്ന രണ്ട് സുഹൃത്തുക്കൾക്കും പരിക്കേറ്റു.

ഇടുക്കി: മൂന്നാർ സന്ദർശിക്കാനെത്തിയ വിനോദ സഞ്ചാരി ഇടിമിന്നലേറ്റ് മരിച്ചു. തൃശൂർ ഒല്ലൂർ സ്വദേശി ലിജു ജോസഫ്(34) ആണ് മരിച്ചത്.
ശനിയാഴ്ച്ച രാത്രി ഏഴ് മണിയോടെ പള്ളിവാസൽ രണ്ടാം മൈൽ ഭാഗത്ത് വെച്ചായിരുന്നു അപകടം.

കൂടെയുണ്ടായിരുന്ന രണ്ട് സുഹൃത്തുക്കൾക്കും പരിക്കേറ്റു. ഇവരെ പ്രഥമ ശുശ്രൂഷയ്ക്ക് ശേഷം തൃശൂരിലെ ആശുപത്രിയിലേക്ക് കൊണ്ടുപോയി. ലിജുവിന്‍റെ മൃതദേഹം അടിമാലി താലൂക്ക് ആശുപത്രിയിൽ. മൂന്നാർ പൊലീസ് മേൽനടപടികൾ സ്വീകരിച്ചു.