ഇടുക്കിയില്‍ വിനോദയാത്രയ്ക്കായി എത്തിയ മൂന്ന് വിദ്യാര്‍ഥികള്‍ പുഴയില്‍ മുങ്ങി മരിച്ചു
ഇടുക്കി: മാങ്കുളത്ത് പുഴയിൽ കുളിക്കാനിറങ്ങിയ മൂന്ന് വിദ്യാര്‍ഥികള്‍ മുങ്ങിമരിച്ചു. ഇന്ന് ഉച്ചക്ക് 2.30 ഓടെയായിരുന്നു അപകടം. അങ്കമാലി മഞ്ഞപ്ര ജ്യോതിസ് സ്‌കൂളിലെ വിദ്യാർഥികളായ റിച്ചാർഡ്, ജോയൽ, അർജുൻ എന്നിവരാണ് മരണപ്പെട്ടത്.
സ്‌കൂളിൽ നിന്നും വിനോദയാത്രയ്ക്കായി എത്തിയ വിദ്യാര്‍ഥികളാണ് മരണപ്പെട്ടത്. മുപ്പതോളം വിദ്യാർഥികളും അധ്യാപകരും ആണ് വിനോദയാത്രയ്ക്കായി മാങ്കുളത്ത് എത്തിയത്. വലിയകുട്ടിഭാഗത്ത് കുട്ടികൾ കുളിക്കാൻ ഇറങ്ങുന്നതിനിടെ അപകടത്തിൽപെടുകയായിരുന്നു.