ഇടുക്കി : ജില്ലയുമായി അതിര്‍ത്തി പങ്കിടുന്ന തമിഴ്‌നാട്ടിലെ ബോഡിനായ്ക്കന്നൂരിന് സമീപം പെരിയത്തുകോംബെ നദിയില്‍ കുളിക്കാനിറങ്ങിയ നവദമ്പതികള്‍ ഉള്‍പ്പടെ മൂന്ന് പേര്‍ മുങ്ങി മരിച്ചു. സുബ്ബരാജ് നഗര്‍ പുതുകോളനിയിലെ രാജ (30), ഭാര്യ കാവ്യ (20), ബന്ധു സഞ്ജയ് (24) എന്നിവരാണ് മരിച്ചത്. ഇന്നലെ (ഒക്‌ടോബർ 16) പുലര്‍ച്ചെയാണ് മൂവരും അപകടത്തില്‍പ്പെട്ടത്.
നദിയിലിറങ്ങുന്നതിനിടെ രാജയും കാവ്യയും പാറയില്‍ കാല്‍ വഴുതി വീഴുകയായിരുന്നു. ഈ സമയം നദിയില്‍ ശക്തമായ ഒഴുക്കുണ്ടായിരുന്നു. ഒഴുക്കില്‍പ്പെട്ട ദമ്പതികളെ രക്ഷിക്കാനായി നദിയിലിറങ്ങുമ്പോഴാണ് സഞ്ജയ് അപകടത്തില്‍പ്പെട്ടത്.
മൃതദേഹങ്ങള്‍ പുറത്തെടുക്കുന്നതിന്‍റെ ദൃശ്യം