ഇടുക്കി: മണ്ണിടിച്ചിലിനെ തുടര്‍ന്ന് ഗതാഗതം പൂര്‍ണ്ണമായി നിലച്ച കൊച്ചി- ധനുഷ്‌കോടി ദേശീയപാത 85-ലെ ഗ്യാപ്പ് റോഡിൽ ഒരുമാസത്തിനുള്ളില്‍ ഗതാഗതം പുനസ്ഥാപിക്കുമെന്ന് ഇടുക്കി എംപി അഡ്വ. ഡീന്‍കുര്യാക്കോസ്. ഗ്യാപ്പ് റോഡ് സന്ദർശിച്ച് നിർമ്മാണ പ്രവർത്തങ്ങൾ വിലയിരുത്തിയ ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
കൊച്ചി-ധനുഷ്‌കോടി ദേശീയപാത 85-ലെ ഗ്യാപ്പ് റോഡ് ഒരുമാസത്തിനുള്ളില്‍ ഗതാഗതയോഗ്യമാകും
കഴിഞ്ഞ കാലവർഷ സമയത്താണ് പൂപ്പാറ മുതല്‍ മൂന്നാര്‍ വരെയുള്ള ഭാഗത്തെ നിര്‍മ്മാണ പ്രവര്‍ത്തനങ്ങള്‍ നടന്നുവരുന്നതിനിടെ ഗ്യാപ്പ് റോഡില്‍ വലിയ മണ്ണിടിച്ചൽ ഉണ്ടാകുന്നത്. ഏക്കറ് കണക്കിന് കൃഷിയും അരക്കിലോമീറ്ററോളം റോഡും പൂര്‍ണ്ണമായും തകര്‍ന്നു. ഇതോടെ ഇതുവഴിയുള്ള ഗതഗാതം നിലക്കുകയും ചെയ്തു. ചിന്നക്കനാല്‍ പഞ്ചായത്ത് ഇതോടെ ഒറ്റപ്പെട്ട അവസ്ഥയിലാണ്.