ഇടുക്കി: സര്‍ക്കാര്‍ ഉത്തരവിന്‍റെ അടിസ്ഥാനത്തില്‍ മരം മുറിച്ച കര്‍ഷകരെ പ്രതിയാക്കി കേസെടുക്കാനുള്ള വനംവകുപ്പ് ഉദ്യോഗസ്ഥരുടെ നീക്കത്തിനെതിരെ സി.പി.ഐ രംഗത്ത്. കേരളത്തിൽ വനം കൊള്ളക്ക് എല്ലാ വിധ സഹായവും ചെയ്‌തു നൽകുന്നത് വനം വകുപ്പിലെ തന്നെ ഉദ്യോഗസ്ഥരാണെന്ന് സി.പി.ഐ ജില്ലാ സെക്രട്ടറി കെ കെ ശിവരാമന്‍ ആരോപിച്ചു.
മരം മുറി വിവാദം; കര്‍ഷകരെ പ്രതിയാക്കാനുള്ള വനംവകുപ്പിന്‍റെ നീക്കത്തിനെതിരെ സി.പി.ഐ
സര്‍ക്കാര്‍ ഉത്തരവിന്‍റെ അടിസ്ഥാനത്തില്‍ മരം മുറിച്ച കര്‍ഷകരെ കേസില്‍ പ്രതിയാക്കാനുള്ള നീക്കം അനുവധിക്കില്ലെന്നും ശിവരാമന്‍ കൂട്ടിച്ചേർത്തു. പട്ടയ ഭൂമിയിലെ മരങ്ങളുടെ ഉടമസ്ഥാവകാശം പൂര്‍ണ്ണമായും കര്‍ഷകന് നൽകുന്നതായിരുന്നു 2020 ഒക്ടോബര്‍ ഇരുപത്തിനാലിന് സര്‍ക്കാര്‍ ഇറക്കിയ ഉത്തരവ്. ഇതിന്‍റെ അടിസ്ഥാനത്തില്‍ വീട് നിര്‍മ്മാണത്തിനും സാമ്പത്തിക ആവശ്യങ്ങള്‍ക്കുമായി ഇടുക്കി ജില്ലയിലെ കര്‍ഷകരും മരങ്ങള്‍ മുറിച്ചിരുന്നു.