ഇടുക്കി:അതിര്‍ത്തിയിലെ സോളാര്‍ ഫെന്‍സിങിനെതിരെ തമിഴ്‌നാട് വനം വകുപ്പ്. ഇടുക്കി അണക്കരമെട്ടില്‍ കാട്ടാന ശല്യം തടയുന്നതിനായി നടപ്പിലാക്കുന്ന സോളാര്‍ ഫെന്‍സിങ് പദ്ധതി തമിഴ്‌നാട് വനം വകുപ്പ് തടഞ്ഞു. പദ്ധതി നടപ്പിലാക്കുന്ന ഭൂമി, തമിഴ്‌നാടിന്‍റേതെന്നാണ് വാദം. സ്ഥലം ഉടമയെ, വനം വകുപ്പ് ഉദ്യോഗസ്ഥര്‍ ഭീഷണിപെടുത്തിയെന്നും ആരോപണം.
ഇടുക്കിയില്‍ സോളാര്‍ ഫെന്‍സിംഗ് പദ്ധതി തടഞ്ഞ് തമിഴ്‌നാട്; സ്ഥലം ഉടമയ്‌ക്ക് വനം വകുപ്പിന്‍റെ ഭീഷണി
തമിഴ്‌നാട് വനമേഖലയില്‍ നിന്നും കേരളത്തിന്‍റെ അതിര്‍ത്തി പ്രദേശങ്ങളായ അണക്കരമെട്ട്, പുഷ്‌പകണ്ടം, തേവാരം മെട്ട് പ്രദേശങ്ങളിലേക്ക് കാട്ടാന കൂട്ടം കടക്കുന്നത് തടയുന്നതിനായാണ് സോളാര്‍ ഫെന്‍സിങ് ഒരുക്കുന്നത്. നെടുങ്കണ്ടം ഗ്രാമപഞ്ചായത്തിന്‍റെ നേതൃത്വത്തില്‍ നടപ്പിലാക്കുന്ന പദ്ധതി രണ്ട് ഘട്ടമായാണ് ഒരുക്കുന്നത്. തേവാരംമെട്ടില്‍ 1300 മീറ്ററോളം ദൂരത്തില്‍ ഫെന്‍സിങ് സ്ഥാപിച്ചിരുന്നു.